Filime ‘Yodha’ iri mu zitegerejwe na benshi igiye kwerekanwa i Kigali

Cinema

by Dieudonne IRAFASHA on 2024-03-13 Views: 1082

Deprecated: mb_convert_encoding(): Handling HTML entities via mbstring is deprecated; use htmlspecialchars, htmlentities, or mb_encode_numericentity/mb_decode_numericentity instead in /home/afridvor/keigiho.com/news-details.php on line 94

Ubuyobozi bwa Canal Olympia bwamaze guteguza abakunda kujya kureberayo filime ko ku wa Gatanu tariki 15 Werurwe 2024 bazerekana bwa mbere 'Yodha' izaba yasohotse no kuri uwo munsi.

Iyi filime 'Yodha' cyangwa 'Warrior', yanditswe inayoborwa na Sagar Ambre afatanyije na Pushkar Ojha mu gihe yakozwe na Hiroo Yash Johar, Karan Johar na Apoorva Mehta U.

Ni filime igaragaramo abakinnyi bafite amazina akomeye nka Sidharth malhotra ukina yitwa Arun Katyal, Raashii Khanna ukina yitwa Priyamvadar Katyal, Disha Patani, Ronit Roy ukina yitwa Major Surender Katyal akaba umubyeyi wa Arun n'abandi banyuranye.

Inkuru y'iyi filime ishingiye kuri Sidharth uba ari umusirikare umaze iminsi atari mu kazi, ariko hakaza kuvuka ikibazo cy'ibyihebe bishimuta indege. Uyu musore nubwo aba atari mu kazi akora ibishoboka byose ngo atabare abari muri iyi ndege ndetse anarwanye ibi byihebe.

Iyi filime yagombaga gusohoka muri Nyakanga 2023 iza gutinda, bemeza kuyisohora ku wa 8 Ukuboza 2023 nabwo ntiyasohoka, icyakora kuri ubu bemeje ko izajya hanze ku wa 15 Werurwe 2024.